2010/12/23

IKASTOLEN UZTA BERRIA

Ikastolen Elkarteak esperientzia luzea du ikasmaterialgintzan. Lan talde zabala eta esperimentatua dabil proiektu honetan. Euskarri anitzeko materialak aurki daitezke gure katalogoan: Jostailuak, jolas eta jokoak, CD-ROMak, DVD-ak, CDak, ipuinak eta liburuak, material osagarriak… Material guzti hauek planteamendu pedagogiko sendo eta gaurkotuetan oinarrituta daude. Horrela frogatzen dute urtea joan urtea etorri lortutako hainbat sarik. Uzta berria zein material guztia Ikastolen Elkarteko katalogoan aurki daiteke: www.ikastola.net

ZOOTROPO IPUINAK ETA DVD-a (2-8)

Gaur ikastolan umeak dituzten guraso asko Txirri, Mirri eta Txiribiton (Xabier Otaegi, Jose Inazio Ansorena eta Txema Vitoria) pailazoekin barre eginez joxkortu ziren, eta beren seme-alabek ere pailazo horiek utzi duten ondareaz gozatzeko aukera izango dute orain. Sailaren izena “Zootropo” da, eta “Aitona-amonak txapeldun, “Astoa eta lehoia”, “Itsua eta sastrea”, “Moro katua” eta “Ttip eta Ttup” dira animazioen izenburuak. Bost minutuko laburrak dira eta animazio laburrei karaoke gisa abestiak kantatzeko atala ere erantsi zaie.

HORMA-IRUDIAK (3+)

Neskaren eta mutilaren gorputz atalekin jolasteko aukera ematen du lehenengo horma-irudi honek. Gorputz atal zehatz bat, organo nahiz hezur zehatz bat esan eta erdialdeko irudi nagusian aurkitzen saiatzen jolas daiteke.
Urtaroak eta hilak izenekoan, urtaro eta hilekin lotutako hizkuntza konpetentziak eta esaera zaharrak ezagutzeko aukera izango dugu.

MATRAKA (8+)

Talde-joko dibertigarria, lagun artean gozatzeko. 500 proba eta galdera ditu, bost kategoriatan banatuta. Originalak, burutsuak eta dibertigarriak. Hona hemen adibide batzuk:
Mimika atalean: Pertsonaia: Edurne Pasaban; Filma: Avatar Definitu atalean: Argitxo definitu (“kriseilua” eta “euskara” hitzak erabili gabe); Lapikoa (“egosi” eta “janaria” erabili gabe). Kantatu atalean: Noizbait (Ken Zazpi); Haurtxo txikia; Single ladies (Beyonce). Erantzun atalean: BA silabaz hasten dena: itsasoko ugaztuna, arrain itxurakoa, eta oso handia; Nork asmatu zuen teleskopioa?

BAGA BIGA, XAGU ETA XIGA (10-11)

Xagu eta Xiga armiarmak dira hemengo protagonistak. Lehiaketak hiru fase ditu. Lehen fasean hogei galdera egiten dira. Horietatik gutxienez hamabost egin behar ditu erabiltzaileak ondo bigarren fasera pasatzeko. Bigarren faseko hamar galderei erantzun ondoren, puntu kopuru jakin bat lortu beharko ditu hirugarrenera pasatzeko. Ondotik, Xagu arituko zaio zirikatzen.CD-ROM formatuan ez ezik Pen Drive formatuan ere banatuko da produktua.

Sustatu.com-etik kopiatuta (Izenburua eta guzti)

2010/12/17

MIXERE: antzezpenen musikarako lagungarria


Gabonetan eta ikasturte amaieran heltzean gutako batzuei egokitzen zaigu antzezpen batean edo bestean musika jartzeko ardura. Zintekin hasi ginen garai batean, Cd-etara pasa eta orain ordenagailuz egiten dugu gehienok. Bada zeregin honetan laguntzeko dugu MIXERE programa librea. 
Antzerkian agertuko den musika eta efektuak zerrendaturik ipintzen dituzu, bakoitzak izango duen bolumena eta non hasiko den zehaztu eta listo.
Proba ezazue.

2010/11/27

Zenbat gramo bakterio ?

Datuak gordetzeko disko biologikoak.

Hong Kong unibertsitatean, ikerlari talde batek informazioa txertatu egin du bakterioen ADN kateetan.Dagoeneko 90GB, bakterio gramo bat erabiliz (billoi bat bakterio).

Gaur egungo disko gogorrek 4GB informazio gordetzen dute gramo bakoitzeko.
Etorkizunean gramo bat mikroorganismo 200GB informazio gordeko duela iragarri dute.

Datuak kodetu, DNA kate sintetikoetan eraldatuz eta bakterioetan sartzen dituzte.

Hamaika ikusteko jaioak gara!

2010/11/18

IKASI NAHI DUENAK BADU NON IKUSI


Aurreko egunean Nafar Gobernuko Integratic/IKT gunea aipatu zen blog honetan. Horretaz gain Eusko Jaurlaritzako Eskola 2.0 ataria aipatu behar da bertan ere baliagarriak suerta daitezkeen tutorial batzuk agertzen direlako: arbel digital interaktiboak, Web 2.0, aplikazio ofimatikoak, gida metodologikoak, sekuentzia didaktikoak.. Guzti hau Prestakuntza 2.0 atalean aurkituko duzue.
Beraz, izenburuan esan bezala, inoiz baino baliabide gehiago daude sarean irakasle eta ikasleen IKT prestakuntza hobetzeko. Nahi izatea da gakoa. :-)

2010/11/09

KLASE MAGISTRALAK AHAZ DITZAGUN... ALA EZ?


Jaso Ikastolan izan genuen bileran gaia atera zen: klase magistralek ez dute lekurik XX. mendeko hezkuntzan. Esaldia sinplifikazio bat da baina behin baino gehiagotan entzun eta agian pentsatu dugu hori.
Honen harira eztabaida polita eta mamitsua sortu zen El Pais egunkarian.

Klase magistralen kontra: Clases a la boloñesa, José Lázaro madrilgo UAMko irakaslea. 
Klase magistralen alde: Empanada boloñesa, Joan B. Culla i Clará, bartzelonako UABko irakaslea.

Ordena horretan irakurtzea gomendatzen dizuet. Eta betikoa, tarte bat atera ezazue pedagogiaz gogoeta egiteko! :-)

2010/11/02

Lotus Symphony: Musika berria betiko OpenOfficen oinarrituta

Por fin llega Lotus Symphony 3.0

OpenOfficen punturik ahulena itxurarena litzateke. Zaharkitu samar geratu da estetikoki eta hau hobetzeko ahaleginak egiten ari badira ere ez dirudi epe motzera bertsio erakargarriago bat izango dugunik. Agian OpenOffice.org proiektuan sortutako dibortzioa dela eta LibreOfficek ekingo dio erronka estetikoari, nork daki.

Itxaroten dugun bitartean Lotus Symphony aukera polita da gure testu prozesatzaileari itxura berri bat eman nahi diogunontzat. "Suite" hau OpenOfficen oinarritzen bada ere, ez da software librea, baina doakoa da. Probatzen ibili naiz eta asko gustatu zait. Berehala kokatuko zarete; are gehiago formatu panoramikoko monitorea baduzue, alboko menuak erabiltzen dituelako. Formatu irekiak onartzen ditu, noski, baita Microsoft-en formatu erabilienak. Proba ezazue eta baloratuko dugu.

Iturria: Genbeta

2010/10/10

Integratic/IKT– Sitio Escuela 2.0 en Navarra

sitio integratic

ParaPNTE blogaren bitartez Integratic/IKT gunearen berri izan dut. Nafarroako Hezkuntza Departamentuak sortutako gunea da. Tutorialak, bideotutorialak, baliabideak eta abar biltzen ditu. Gonbidatu gisa sar zaitezke atal guztietara foroetara izan ezik.

2010/09/30

Tune Up


Ordenagailua txukun mantentzeko aplikazioa:

Tune Up Utilities aplikazio bilduma interesgarri bat da.
Diskoa gogorra desfragmentatu, erregistroa garbitu, behar ez diren artxiboak garbitu, programak desinstalatu, hasiera kudeatzeko editorea, windows pertsonalizatzeko aukera, internet serbitzua hobetu, ezaugarri grafikoak hobetu eta bestelako aukera interesgarriak ditu.

Erabilterraza eta itxura atseginekoa.

Ni hasia naiz erabiltzen eta momentuz inpresio ona dut.

* Programa berez 30 egunez proba egiteko eskaintzen digute baina ... Dropboxeko karpetan aurkituko.

2010/09/29

35 web tresnarik onenak hezkuntzarako


E-saregileak taldearen bitartez zerrenda honen berri izan nuen udan. Ez nuen zuen merezitako atsedena hautsi nahi eta irailerako gorde dut. 35 horietatik batzuk ezagutzen ditugu baina badira berri batzuk ere.
Taldean aztertzeko proposamena luzatzen dizuet.

2010/09/17

Motxila digitala

"Estoig Digital" izeneko web-gune honetatik aplikazio eramangarri ugari deskargatu daitezke, USB-an instalatu eta edozein ordenadoretan erabiltzeko. Interfazea ere arazorik gabe euskaratu daiteke.Tresna interesgarria izan daiteke batez ere irakasleok gelan erabiltzeko.

2010/06/02

SAGARRAREN XARMA


Aurrekoan Ipad ospetsua probatzeko aukera izan nuen eta, eszeptikoa banintzen ere, liluratuta geratu nintzen.
Erraz erabiltzen da, intuitiboa da oso, arina, goxoa, erakargarria, pantaila primeran ikusten da, pantailan bertan daukan teklatua oso erraz erabiltzen da, gailuaren mugimenduekin kanika moduko jolas harrigarriak ditu... Alaba eta biok maitemindu ginen!

Kontrako aldean, ikusten da negozioa besterik ez dutela buruan Aple konpainiak (inozoa naiz bai!): USB sarrerik, sistema eragile propioa duenez aplikazioak ordaintzen diren horietakoak dira (payant!), musika ere Itunesekin lotuta du (payant berriro!), hainbat webgune ez dira ikusten adobe flash ez duelako sartu nahi izan eta prezioa altua da oso (750 - 800 € merkeena). Emaztea ez zen maitemindu.

Hezkuntzako ikuspegitik esan erabilpena izan dezake: posta elektronikoa, dokumentu laburrak, blog sarrera txikiak, internet kontsultatu, liburuak irakurtzeko baina daukan prezioa ikusita eta sistema itxia izanda erosteak ez luke konpentsatuko: zuzendaritza taldeak edo guraso batzordeak ez lirateke maiteminduko.

Etorkizun laburra ordea, bide horretatik joango dela (joan behar duela), pentsatzen dut: ekipo arinak, pisu gutxikoak, momentuan pizten direnak, erraz irakurtzen direnak eta bateriaren iraupen luzearekin. Gure geletan ikusiko ditugu eta ikasleak maiteminduko dira (ditugu?). Guzti hau gainean dugun krisi globalak baimentzen badu, noski!

2010/05/27

GLOGSTER: POSTER DIGITAL IKUSGARRIAK


Aurrekoan Glogster izeneko tresna ezagutu nuen eta berehala erakarri ninduen. Berez, posterrak edo horma-irudiak sortzeko tresna bat da. Poster horietan testuak, irudiak, bideoak eta audioak sar daitezke. Behin posterra sortuta blogean edo nahi duzun webgunean enbota daiteke.


Jarduera asko eraman daitezke poster hauek erabiliz, gai baten inguruko azalpenak esaterako: elefanteen bizitza, uraren zikloa, Mozart konpositorearen biografia, Iruñako monumento historikoak... Balizko adibide bat zintzilikatu dut, Rita tenislari, Mikel Valverderen liburua, gelan irakurri dugula aprobetxatuz.

Honek eta antzeko zerbitzuek blogek dituzten mugak gainditzeko balio dezakete. Batzuetan, ikasleak bidaltzen ditugunean "blogera" egindako lan bat argitaratzera, diseinu nahaste izugarria sortzen delako: argazki edo testu gehiegi, argazkiak nahi ez dugun tokian agertzen dira edo nahi ez dugun tamaina daukate.

Azkenik "powerpoint" gehiegi sortzen behartzen ditugu ikasleak (DBH-n batez ere). Alternatiba hau hainbat kasutan erakargarriagoa, sortzaileagao eta "freskoagoa" izan daiteke betiko aurkezpen multimediak baino.

2010/05/20

IKTak DESAGERTZE BIDEAN

Gure gizartearen ongizatea desagertzeko zorian dagoenean, eta ez naiz Zapateroren murrizketetaz ari, izenburu beldugarri hau erabili du Jokin Lacalle-k bere aurkezpen honetarako. Bertan aurreko bileran azaldu zizkigun ideiak agertzen dira, hots, bere ikastolan IKTeen inplementazioaren bilakaera eta gaur egungo estrategia aldaketa.

Diseinuagatik soilik aurkezpenak ikustea merezi du.
Batek esango du, arrazoi osoz gainera, IKTak desagertu nire ikastolan oraindik batzuentzat behintzat agertu ez direnean? Fede kontua besterik ez da, Lourdes, Fatima... hurrengoa zuenean izan daiteke espero duzuen agerpen hori.:-)

2010/05/11

EDUCAPLAY

Interneten ditugu baliabideen artean Educaplay hau azpimarratu behar dugu ariketa mota asko egiten baimentzen digulako: gurutzegramak, testak, erlazioak, asmakizunak, diktaketak, letra zopak... Gero, sortzen ditugun ariketak gure blog edo orrialdean txerta ditzakegu.

Kontrako alde bakarra interfazea gaztelaniaz dagoela eta euskarako ariketak sartzeko garaian hainbat informazio hizkuntza horretan agertuko zaigula. Dena den, aukera ona da Lengua Castellana arloko ariketak sortzeko.


Ariketak tamaina handiago batean azaltzen dira baina hemen, diseinu kontuak direla eta, adibidea txikiagoa agertzen da.

2010/04/21

iPAD

NEW YORK
APPLE STORE
iPAD BERRIA

ETORKIZUNEKO ESKOLA TRESNA: BOOK-a

Badirudi Apple eta beste enpresen arteko lehiak ez duela amaierarik. Orain BOOK izeneko gailua sortu omen dute. Azkeneko bileran iragarri genuen: informatika gelak desagertzera doaz!



CALAMEO, ISSU-ren ALTERNATIBA


Duela hilabete batzuk ISSU tresnaren berri eman zen blog honetan eta gutako batzuk hasi gara erabiltzen gure buletinak eta dokumentuak zintzilikatzeko. Atzo bertan Calaméo zerbitzuaren berri izan nuen eta zuekin partekatzea pentsatu dut dituen abantailak ikusita:
  • Dokumentuak igotzeko pausu gutxi eta argiak.
  • Hizkuntzen artean gaztelania.
  • Formatu erabilienak onartzen ditu, OpenOfficekoak barne.
  • Datuak erakusteko garaian interfaze argia eta pantaila osoko aukera.
Niri gustatu zait, zuen iritzia jasotzea gustatuko litzaidake.

2010/04/20

HEGAZKINAK SUMENDIAREKIN ALDERATUZ

(Irudia handiago ikusteko gainean klikatu)

Zeinek kutsatzen du gehiago? Eyjafjallajökull sumendiak edo Europako hegazkinen industriak. Erantzuna Informatioan Is Beautiful gunean agertu den David McCandless eta Ben Bartels-en infografia eder honetan dator.Ikasleekin komentatzeak merezi du baita gunean dauden hainbat lan aztertzea.

Escolar.net-etik ateratako albistea.

2010/03/30

IRUDIA VS IRAKURKETA

Egia al da irudiaren gaur egungo indarrak irakurketaren praktika kolektiboa kaltetu duela? Izenburu hau du Juan Mata, Granadako unibertsitateko irakasleak, HikHasi aldizkariko azken alean (146.zkia.) argitaratutako artikulua. Galdera mamitsua, eztabaidarako egokia eta irakasle eta gurasoen ahotan dabilena behin baino gehiagotan

Juan Matak galdera hau ikuspegi estatistiko batetik erantzuten saiatzen da, modu objektibo batez eta topikoak gaindituz. Bertsio elektronikoa oraindik ez denez argitaratu, pasarte batzuk aukeratu ditut artikuluaren nondik norakoa jakiteko eta Ikastolan aldizkaria jasotzen duzuelakoan, gonbitea luzatzen dizuet artikulua irakur dezazuen.

"Zein ondorio ateratzen dugu horretatik guztitik? Gazteak direla, alde handiz, gehien irakurtzen dutenak. Eta, aldiz, helduek elikatzen dutela irakurtzen ez dutenen kopurua (zenbat eta zaharrago, nabarmenago)."

"Gaur egun, sarean hitz egiten eta jolasten pasatzen dute aisialdia gazteek. Hori kontuan izanda, inozokeria litzateke Internet eta bideo jokoak existituko ez balira, gazte horiek irakurtzen arituko liratekeela pentsatzea. Benetan pentsatzen al du inork horrelakorik?"
Eta zuek... Aste Santuan irakurtzeko astirik izango al duzue?

2010/03/17

PLE (Personal Learning Environments)

Hemen daukazue PLE (Norberaren Ikaskuntza Ingurunea) bat zer den eta zer IKT baliabide liratekeen interesgarrienak azaltzen duen nJordi Adell-en bideoa.

II JornadasTIC Jordi Adell from Mayeutic on Vimeo.

2010/03/04

IKASGELAN IRAULTZA EGITEN

Berria.info-tik hartuta
Ordiziako Jakintza ikastola orain dela urte dezente hasi zen teknologia berrien munduan murgiltzen, eta hainbat irakaslek, tresna horiek baliatuz, guztiz aldatu dute irakaskuntza eredua...gehiago irakurri

2010/03/03

KONTUZDATOS.INFO, KONTUZ ZURE DATUEKIN

Izenburu originala eta egokia du Datuak Babesteko Euskal Bulegoak prestatutako kanpainak. Bertan bideoen bitartez haur eta gazteak bere datu pertsonalen garrantziaz kontzientziatu nahi ditu. Bideoez gain gida didaktikoak eskaintzen ditu eta gelarako materiala. Lan bikaina benetan!

Gogoratu baliabide hau eta bildu ditugun beste batzuk dokumentu batean jasota daudela eta Ikastelen (NIEko prestakuntzarako webgunea) zintzilikaturik daudela.

2010/02/21

Malwarebytes

Arazotxo batzuk izan ditut azkeneko egun hauetan eta programa honekin topo egin dut.
Doakoa eta ikusi dudanaren arabera eraginkorra.
Vundo, Zlob, Navipromo, Bagle, RBot, eta Rogue familiako Softwarea (Antibirus eta Antityspaware faltsuak) beste batzuen artean, detektatu eta garbitzen ditu.


Programa

Segurtasuna dela eta orrialde honetan gauza oso interesgarriak topatu daitezke.

2010/02/11

Dokumentuen bilatzailea

Nik behintzat ez nuen ezagutzen gune hau. Informatika arloari buruzko informazioa bila nenbilen eta honen bitartez hainbat dokumentuen kontsulta eta gordeketa egin ditut.
Frogatxoak egin eta esango didazue.  Neri tresna potentea iruditu zait.

2010/01/27

ISSUU Aldizkariak publikatzeko tresna




Hona hemen gaur goizean aipatutako tresna. Honen bitartez gure ikastolako aldizkariak web orrian publikatzeko asmoa dugu. Bertan, PDF artxiboa igo eta dagokion esteka edo kodea baliatuz dokumentua ikusteko aukera dago.
Era estekatuan:

Ikusi 25.alea (Embed kodea erabiliz)




2010/01/26

THINK BEFORE YOU POST: ARGITARATU AURRETIK PENTSATU

Azkeneko DIMI bileran Argia ikastolako Ainhoa Allikak IKT arriskuen gaia dela eta ikasleen artean zabal daitezkeen bideo hauek aipatu zizkigun. Gaiari sarrera emateko erabil daitezke.





Bestalde Alfredo Caballero Sucunza nafartarren INTERNET para Padres liburua gomendatzen dizuet. 100 orrialde inguru ditu, argi azaltzen ditu Sarearekin lotutako balizko arazo eta arriskuak, alderdi legala barne eta erabiltzen duen hizkuntza ulergarria da neofitoentzat.

2010/01/24

Orrialdeak Bloggerren


Aurreko artikulu batean Blogerren berrikuntza batzuk aipatu nituen. Ez nuen esan horiek aktibatzeko Blogger in Draft edo "Bloggerren Zirriborroa" deituriko plataformatik sartu behar duzula zure bloga kudetatzeko. Gehiegi ez dudala erabili aitortu behar dizuet. Arrazoia: bideoak igotzeko aukera ez zelako agertzen. Orain berriro bisitatu eta aukera berri eta erabilgarri topatu ditut zorionez:
  • Bideoak igotzeko aukera.
  • Orain orrialdeak sor daitezke. Hau izugarri interesgarria da. Gure bloga webgune bihur dezakegu informazio estatikoa gehituz.
  • Argitalpen programatuak presta ditzakegu. Interesgarria ere gelako bloga edo ikastolako bloga kudeatzeko garaian.
  • Irudiak kokatzeko garaian erraztasunak daude eta gehiago kontrolatzen duzu amaierako emaitza.
Informazio gehiago Genbetan. - Google In Draft: http://draft.blogger.com

2010/01/12

DROPBOX , erabilera anitzeko kutxa


IKT Txanela proiektua dela eta ezagutu dut Dropbox izeneko aplikzioa eta oso erabilgarria denez honen inguruko aipamen hau egitea pentsatu dut.

Dropbox disko gogor birtual bat da. 2 Gb eskaintzen ditu dohako bertsioan eta bi modu dit fitxategiak "igotzeko": nabigatzailearen bitartez edo zuzenean Windows edo Linuxeko esploratzailetik.

Azken aukera hau erosoena da. Kontu bat sortu, programatxo bat instalatu eta zure ekipoan My DropBox izeneko karpeta sortuko zaizu. Bertan gordetzen dituzun fitxategi guztiak automatikoki "sareko" disko gogor birtualarekin sinkronizatuko dira eta edozein tokitatik eskuratu ahal izango dituzu.

Bestalde karpeta publiko bat ere badago. Karpeta publikoan gordetako fitxategiak, nahi duzun pertsonarekin parteka ditzakezu. Nola? Modu errazean hau ere link edo esteka bat sortzen dizulako automatikoki. Esteka kopiatzeko nahikoa da fitxategiaren gainean kokatu, saguko eskubiko botoia sakatu eta menu batean "Copy public link" aukera agertuko da.
Argazki galeriatxoak ere sortzen ditu Photos karpetan argazkiak gordetzen badituzu.

Aplikazio honek erabilera anitzak ditu:
Proba ezazue edo jadanik erabiltzen baduzue zuen esperientzia partekatu.