2013/11/27

SEME-ALABENTZAT 18 ARAU SAKELEKOA ERABILTZEKO


 Greg Hoffman con su madre.


Sareetan arrakastatsua izaten ari da testigantza hau eta nahiz eta arau guztiekin agian ados ez zareten egongo, zera erakusten du: teknologiaren erabilpenerako arauak ipini behar ditugula etxean. Nik zera erantsiko nuke: arauak, ez bakarrik seme-alabekin, bikotean edo beste familiarteekin ere.

Telefono mugikorra erabiltzeko adina bestalde jaisten ari da, hemendik aurrera oso ohikoa izango da 6-7 urteetako haurrak telefonoa izatea. Azken finean jolasteko, musika entzuteko, bideoak ikusteko, txateatzeko eta, ahazten badugu ere, deiak egiteko balio du aparatuak. Ikasleak Messengerretik Whasapera pasa dira eta helduen artean aplikazio hau zeinen azkar zabaldu den harrituta nauka.

Laburbildu, artikulu interesgarria Facebook, bloga edo posta elektronikoen bidez familiei helarazteko. Batek baino gehiago eskertuko du.
 
http://blogs.elconfidencial.com/alma-corazon-vida/empecemos-por-los-principios/2013-09-27/las-18-reglas-que-dicto-una-madre-al-regalarle-un-movil-a-su-hijo-de-13-anos_32920/ 

2013/11/20

eXeLearning


Egiten ari naizen ikastaro batean deskubritu berri dudan aplikazioa da hau eta oso interesgarria iruditu zait.
eXeLearning Irakasleentzat web edukiak sortu eta argitaratzeko laguntza handiko kode irekian garatutako egiletasun tresna da.
eXerekin garatutako edukiak hainbat formatutan gorde daitezke: IMS, SCORM 1.2 … Baita web orri nabigagarri moduan ere.



eXeLearning

Tutoriala (aplikazioarekin egina)

Informazio gehiago

Ikastarorako prestatu dudan ariketa (driverrek arazoak ditu iframeekin eta animazio batzuk zuzenean ikusi beharrean, estekatuak daude).

2013/11/11

AUDIOA GURE BLOGAN


Divshare
zerbitzua erabili izan dut azken urte hauetan baina ongi badabil ere orain audioak ez badira  hilabete batean entzuten desagerrarazten ditu. Hori dela eta beste hainbat aukera gogoratu nahi nituen:
 
- http://www.ivoox.com/ (Nahiko erraza erabiltzeko eta gaztelaniaz dagoenez irakasle batzuk errazago kokatuko dira).
 
- http://vocaroo.com/ Berez ahotsa grabatu eta partekatzeko zerbitzu sinple bat da, ez duzu izena eman behar. Upload aukerarekin audioak igo ditzakezu eta berehala txertatzeko kodea emango dizute.

- https://soundcloud.com/ Zerbitzu hau erabiltzen dute EKI proiektuan, ez dut aztertu baina jakinaren gainean egoteko zerrendara gehitu dut.

Blogerako argitalpentxoak egiteko bigarrena nahikoa da, zerbait serioagoa bada: irrati saioak, hitzaldien audioak, tutorialak, eta abar... beste biak. Hala ere beti kontuan izan zerbitzu hauekin inoiz ezin zarela fidatu, momentu batetik bestera alda ditzaketelako baldintzak, kobratzen hasi, desagertu...

Honetaz gain duela gutxi kode bat argitaratu zuten Dropboxera igotako audioak Bloggerren argitaratzeko:
http://eskolaklik.blogspot.com.es/2013/10/insertar-un-archivo-de-audio-alojado-en.html
Beste aukera bat da, prozedura aldetik azkarra eta kontrol gehiago ematen dizuna.
Eta zuek, zerekin zabiltzate momentu honetan?

2013/10/25

Adware: zabaldutako gaitza

Azkenaldi honetan hainbat lagun eta ezezagunen ordenagailu pasa dira nire esku artean eta harrituta gelditu naiz daukaten "zabor digitala" ikustean: nabigatzailean barra desberdinak (Ask.com esaterako), Google lehenetsitako bilatzaile moduan kenduta, automatikoki agertzen diren iragarki lehioak...
Bestalde erabiltzaileen ezjakintasuna eta inpotentzia nabarmena da arazo hauen aurrean borrokatzeko, hiritarren konpetentzia digitala baxua den seinale!
Nafarroako ikastoletako idazkariekin egin genuen ikastaroan kezka hau mahairatu zen eta arazo honi aurre egiteko gidatxo hau sortzea erabaki genuen.

PREBENTZIO NEURRIAK
1.- Antibirusa izatea: Lehenengo puntu hau jakina da baina aipatu beharra dago beti. Hala ere antibirusa izateagatik ez gaude Adwareren kontra babestuta, programa hauek ez baitira birusak eta gainera guk baimenduta instalatzen dira.

2.- Internetetik jaitsitako edozein programa instalatu aurretik pentsatu. Zer ari naiz instalatzen? Zergatik? Ez egin kasu honelako iragarkiei "Birus bat dago zure ordenagailuan, garbitu nahi al duzu?" edo " Zure ordenagailua mantxo dabil, azkartu nahi al duzu?".

3.- Programa jakin bat deskargatu baino lehenago ziurtatu egilearen jatorrizko gunetik edo gune fidagarri batetik egiten duzula. Softonic, descargadirect eta honelako helbideak ez dira gomendagarriak (tamalez emaitzen hasieran agertzen dira). Zalantzaren aurrean dakien bati galdetu.

4.- Programa bat instalatzeko garaian arretaz irakurri zer instalatu behar duzun. Batzutan programarekin batera, oso ohikoa den Java esaterako, Ask.com barra instalatzea proposatzen da eta aukera hori desgaitu behar duzu. Ez da erraza, trikimailu pila erabiltzen baitituzte Adware programa hauen instalazioa onar dezazuen.

5.- Ikastolako ordenagailuetan ez instalatu ezer baimenik gabe. Enpresetan bezala ikastoletan zorrotz jokatu beharko genuke gomendagarria ez diren programak ekiditeko.



NOLA GARBITU ADWAREa
Automatikoki garbitzeko programak.
Hiru hauek gomendagarriak dira:

Eskuz egiteko:
1.- Erabiltzen ditugun nabigatzaileetatik plugin moduan instalatzen diren barra hauek desinstalatu. Firefoxen kasuan Firefoxen kasuan - Gehigarrietara joan - Hedapenak - Desinstalatu arazoa ematen dizkiguten guztiak (zalantzaren aurrean ezagutzen ez ditugun guztiak kendu). Chromen - Herramientas - Extensiones-etara joan behako da.

2.- Hasiera orriak lehen bezala utzi. Firefoxen: Aukerak - Orokorra - Berrezarri Lehenetsiak edo nahi dugun helbidea jarri.

3.- Windowsetik desintalatu: Windowseko - Kontrol Panelera joan (Ezarpenak) - Gehitu kendu programak eta hortik susmagarriak diren programak desinstalatu.

4.- Firefox nabigatzaileko helbide barran Google zure bilatzailea izateko plugin hau instalatu eta lehengo egoerara bueltatuko da: https://addons.mozilla.org/en-US/firefox/addon/searchreset/
Azken puntu hau garrantzitsua da, nahiz eta programak garbitu ezarpen hau ez delako aldatzen.

Beno, kontatuko duzue zein den zuen esperientzia eta ea baliagarria suertatu zaizkizuen gomendio hauek.

2013/10/24

MARRAZKI BIZIDUN ETA FILMAK EUSKARAZ

Guraso eta ikasleentzako oso interesgarria den orrialde hau uzten dizuet hemen (Klikatu irudian).


Bertan, euskarazko marrazki bizidun eta filmen bilduma ikaragarri bat duzue. Aprobetsatu eta gozatu talde honek egindako lan ikaragarria.

2013/10/02

SITES BATI GURE DOMINIOKO HELBIDE ERRAZ BAT NOLA EMAN

Google Sitesak gero eta gehiago erabiltzen ari gara gure ikastoletan. Hauen helbideak luzeak izaten dira eta buruz ikasteko zailak. Helbide hauek sinplifika daitezke Google Apps zerbitzua izanez gero. Ez da zaila eta ez du denbora asko kentzen, beraz zenbait kasutan merezi du.

Prozedura:
1.  Lehenengo urratsa zure domeinuko kontua sartzea da, gehienok eNom kontua izaten dugu (Google-ekin lan egiten duena). Pasahitzak ahaztuta badituzu, administratzaile bezala sartu zure Google Apps domeinuan. (Kudeatu domeinua) eta gero Personalización de Dominio - Configuración de DNS avanzada-ra joan.
Bertan zure datuak agertuko dira baita E-nom-eko kontsolara joateko helbidea ere.

2. Iniciar sesión en la consola de DNS klikatu eta logeatu.
(Azken pausu hauek aurrez ditzakezu https://access.enom.com helbidera zuzenean joanez eta izena eta pasahitza idatziz).

3.Jatorriz http://sites.google.com/a/erentzun.com/errezetabilduma helbidea duen sitesari, sinpleagoa den http://errezetabilduma.erentzun.com helbidea emango diogu.

Beraz kontsolan zaudela helbide berri hori sartu behar duzu: Host records - Edit - Ad new. Hau da idatzi behar duzuna:
Lehenengo gelaxkan: errezetabiduma (gehitu nahi dugun izena)
Bigarrenean: ghs.google.com
Hirugarrenean: CNAME (Alias)
Ez ahaztu gordetzea (Save).


4. Orain helbidea aldatu nahi diogun "sitesean" sartu eta Administrar Sitio atalera joan. Bertan zaudela Asignación de la dirección web -Asignar este sitio aurkitu (scroll behera egin saguarekin) eta sartu.
 5. Hurrengo galdetegia beteko dugu. Lehenengo lerroan jatorrizko helbidea agertuko zaigu eta bigarrenean sortu nahi dugun berria. Behin bete dugula Añadir asignación botoiari emango diogu.

6. Hori egin eta gero hurrengo pausuak zeintzuk diren azaltzen den pantaila batean aurkituko zara. Pantaila horretako pausuak eginak ditugu jada (eNom-eko DNSak aldatu ditugu jada hasieran). Bakar-bakarrik pantaila horretan agertzen den He realizado estos pasos botoiari eman eta listo!

2013/09/11

GMAIL-DELAY-SEND POSTA ELEKTRONIKOAK PROGRAMATZEKO DOHAKO SCRIPTA

Aurreko artikulu batean mezuak programatzeko bi aukera ezagutarazi genituen. Kontua da biek muga bat dutela eta hilean 10 mezu baino gehiago ez dizutela programatzen uzten. Gmail Delay Send 8.0 script-arekin mugarik gabeko programaketak egin ditzakezu modu erraz batez.

Nola instalatu

Nahiko erraza da, beheko pausuak jarraitu:

  • Orrialde hau bisitatu eta onartu autentifikazio eskaera.
  • Aukeratu Enable -> On.
  • Aukeratu Time Zone delakoa (Madril edo baliokidea), bestala ez dabil ongi.
  • Send Email Receipts aukeran pentsatu ea bidalitako mezuen abisuak jaso nahi dituzun ala ez .
  • Save preferences botoiari eman aukeratu duzuna gordetzeko.
  • Ez ahaztu bukaeran Run Now botoiari ematen martxan jartzeko (5 minutu beharko ditu prest egoteko).

  • OHARRA: 
    Script honen helbidea gorde aurrerago aukeraren bat aldatu nahi baduzu egin ahal izateko.Bestalde mezu bat jasoko duzu, noizbait script-a desintalatu nahi baduzu, egin ahal izateko.

Mezuak bidaltzeko prozedura

 1. Mezuaren gorputzean, mezua idatzi aurretik, dagokion kodea hau gehituko duzu @ ikurra aurretik duelarik. Adibidez: @tomorrow
2. Mezua idatzi.
3. GmailSendToSend etiketa ipini.
4. Mezua itxi. (Zirriborro moduan gordeta geratuko da)
Automatikoki jarritako orduan bidaliko da.


  • Adibideak:
    • @next friday (Datorren ostiralean)
    • @Tuesday 5pm (Asteartean arrtsaldeko 5etan)
    • @Wednesday 12:30 (Asteazkenean 12:30etan)
    • @14th 6pm (Hil honen 14ean arratsaldeko 6etan)
    • @+8 minutes (Hemendik zortzi mintututara
    • @wednesday
    • @august 21 11:00
    • @10:20PM
    • @29th 8am
  • Kontuan hartzekoak:
    • Ordu bat zehazten ez duzunean, adibidez: @tomorrow, mezua 12:00etan bidaliko da.
    • 'tomorrow, 5pm' ez dabil (koma ez erabili)
    • Goizeko 8ak badira eta zuk mezua goizeko 6:30etan bidali nahi baduzu hurrengo egunez ari zarela ulertzen da baina programak gaurko eguna ulertuko du. Beraz @tomorrow 6:30 erabili beharko duzu. Asteko egunekin berdin. Gaur asteartea bada eta astelehenean bidali nahi duzula ipintzen baduzu. @Monday, berak pentsatuko du atzo esan nahi zenuela. Beraz @next monday ipini beharko zenuke.
Egiteko denbora bat beharko duzu baina erraza da. Froga bat egiteko @now erabil dezakezue, mezua momentuan bidaliko du (Scriptak 5 minuturo arakatzen du Gmail, beraz itxaron behar da).

2013/05/26

VLC, YOUTUBE ETA BESTE ORRIALDEETATIK BIDEOAK DESKARGATU



  • Medio > Abrir volcado de red... bideoaren url-a itsasten dugu.
  • Bideoa erreproduzitu.
  • Información del códec atalean helbidea kopiatu ( lugar atalean agertzen dena ).
  • Nabigatzailean itsasi eta bideoaren gainean klik eskuin eginez ordenagailuan gorde.
*  Azkeneko bertsioa izan behar duzu VLC 2.0.5 ( oraindik euskaratu gabe ... ).
* VLC ek dituen beste aukera interesgarri batzuk ARTIKULUA





ZORAGARRI VLC!

2013/05/20

Google Music: Google-en doinu berria


Aurreko astean Google-ek hainbat berrikuntza aurkeztu zituen I/0 Konferentzian, horien artean Google Music, duela gutxi ezagutu dudana.
Hodeian dagoen musika bilduma litzateke, hauek dira bere ezaugarririk nabarmenenak:
  • Gure Google kontuarekin lotuta dago, noski.
  • Zerbitzu honetan daukazun musika telefonoan, tabletan edo ordenagailuan entzun daiteke. (Jada normala dena)
  • Google Play-ren bitartez erosten dituzun abestiak hor gordetzen dira baina horretaz gain dohainik 20.000 abesti igo ditzakezu!. (20.000 abesti =10 abestiko 2.000 Cd Gure musika bilduma osoa gordetzeko nahikoa, ezta?).
  • Spotify-ren moduko zerbitzua izango du, hots, hilean 10 € inguru ordaindu eta bere katalogo guztia entzuteko aukera.
Ni zur eta lur geratu naiz. Ikastolari begira lekurik okupatzen ez duen honelako bilduma bat izatea izugarria da eta apaletan asperturik dauden Cd-ak noranahi eramatea zer esanik ez.

2013/04/22

GMAILEKO MEZUAK PROGRAMATZEKO TRESNAK


Aspaldiko partez tresna hauen beharra nuen posta elektronikoz bidali beharreko mezuak data edo ordu  jakin batzuetan bidali ahal izateko. Honela egun berberean bost mezu bidali beharrean, informazio uholde hau antola dezakezu beste modu irentsiagarri batez. Idazkaritik bidaltzen diren mezuak ere tresna hauekin programa daitezke mezuak nahi den data bidaltzeko, ekintza jakin bat baino 7 egun lehenago, esaterako, nahiz eta mezua askoz ere lehenago erredaktatuta egon.

Bi aukera daude, biak Firefox eta Chromerako.

Right Inbox: http://www.rightinbox.com/
Sinpleena erabilpen aldetik baina ordaindu gabe hilabeteko 10 mezu besterik ez digu uzten bidaltzen. Pelma samar jartzen da plan hobeago bat eros dezazun. Programatutako mezuak bidaltzeaz gain mezuak noiz ireki diren edo zenbat hartzailek zabaldu duten esango digu. Interesgarria izan daiteke, baina aipatutako mugak ditu.

Boomerang for Gmail: http://www.boomeranggmail.com/
Sinplea bada ere kokatzeko garaian denboratxo bat behar da, mezuak data jakin batean bidaltzeaz gain beste aukera batzuk dituelako. Send later erabiliz mezuak beranduago bidaltzen ditu arazorik gabe. Honetaz gain mezu baten gogorapenak bidaltzen ditu (bumeran bat bezala aukeratutako mezua bueltatzen da) hainbat baldintza betetzen badira: mezua ez da ireki, mezua ez da erantzun, data jakin batean.

Proba itzazue eta hurrengo batean komentatuko dugu.

2013/03/10

HTML to PDF







Web orri bat PDF formatura nola pasatu eta gorde?

WEBGUNE  honetan sartu, nahi dugun URL idatzi, eta berehala PDF formatuan jeisteko aukera izango dugu.





2013/03/05

EGURALDIA ZURE BLOGEAN ETA EUSKARAZ


Aurrekoan Andramari Ikastolako 5. eta 6. mailakoen bloga kuxkuxeatzen AEMETeko widgeta ikusi nuen.

Honekin zure herriaren eguraldia eta honen iragarpena sar dezakezu eta euskaraz gainera.
http://www.aemet.es/eu/eltiempo/widgets/municipios

Beste wigdet interesgarri batzuk ere badituzte, begiradatxo bat bota.

2013/01/20

MEGA


Megaupload famatuaren ondokoa. 50 Gb doako kontuentzat. Euskeraz. Itxura garbia eta erabilpen erraza.

Hauxe diote beraiek: "Zure pribatutasuna zaintzen lagunduko duen hodei biltegiratze zerbitzu ikaragarri bat eraikitzeko denbora eta aukera eman ziguten teknologo talde bat gara. Internet zerbitzu hau Auckland-en, Zeelanda Berrian, programatu dugu zerotik. Gure aurkari gehienak ez bezala, nabigatzeilearen artean oinarrituriko enkriptazio teknologia bat erabili dugu, non zuk, eta ez guk, kontrolatzen dituzun gakoak. Gure disenatzaileen taldea hauxe da: Kim Dotcom, Mathias Ortmann, Bram van der Kolk, eta Finn Batato. Gure CEO-a, Tony Lentino, industrian eskarmentu handikoa dena, ospe handiko domeinu global bat eramaten esperientzia handia du".

Gustokoa izatea espero dugu." Agur Dropbox ?

2013/01/14

PHOTOSCAPE: PICASAKO ORDEZKOA AL DUGU?

Eroski Consumer aldizkariaren Aplicaciones gratuitas esenciales para tu ordenador agertzen den programen zerrendan Photoscape izeneko hau aurkitu dut.
Windowspean argakiak editatzeko doako programa da, aukera anitza dituena. Hauek dira bere ezaugarri nabarmenenak:
  • Oso intuitiboa. Ez du asko okupatzen. Arina. 
  • Oinarrizko funtzioak erraz egiten ditu.
  • Efektu pila ditu baita oso marko interesgarriak ere.
  • Komikiak egiteko globoak, baita efektu barregarriak ere: begiak, sudurrak...
  • Paper desberdinak inprimatzeko aukera: partiturarako, koadrikulak...
  • Posterrak egiteko tresnak.
Onena instalatzea eta frogatzea da. Nire ustez Picasari aurre egiten dio hainbat funtziotan eta gelarako edo informatika tailerrak emateko kontuan hartzekoa da.