2009/12/17

Gaurko hitza: MALUTA

maluta

maluta (FlickrCC)

Gaurko Hitza Ordiziako Jakintza ikastolako Maite Goñi euskara irakaslearen ekimen bat da. Egunero hitz bat aztertzen du eta gaurkoa, noski, maluta izan da.

Blog honi etekina ateratzeko ezinbestekoa da rss jarioa erabiltzea eta nire gomendioa da Firefox nabigatzailearekin goiko barran integratzea. Honela, egunero hitz horien berri izan dezakezu eta gelan proiektorea baduzu, ikasleekin tartetxo bat eskaini irakurtzeko.

Biharko hitza zein izango ote den ez dakit, baina buruan darabilzkigunak bai: Eguberriak, oporrak eta atsedena.

2009/12/16

WIFIAREN SEGURTASUNAZ


Apurka-apurka ari da gizartean zabaltzen Wifi sareen kontrako jarrera, osasunerako txarrak izango ez ote diren susmoa hain zuzen ere. Escuela 2.0, Ikasys eta ikastolen azpiegitura beharrei erantzuteko ia ezinbestekoak bihurtzen ari dira haririk gabeko soluzioak. Bestalde, etxe, hospitale eta leku publiko askotan zabaldurik daude aspalditik. Gauzak honela, bat-batean kezka sortu da eta guraso batzuk kezka hori eskolara eramaten dute.

Honen inguruko ezagutzen dudan ikerketarik serioena burutu dute Oiartzungo Haurtzaro Ikastolan.
  • Ikastolan kezka zegoenez Labein enpresari kanpoko auditoria bat egitea eskatu zitzaion. Ordainduta, noski.
  • Enpresa horrek informe bat idatzi zuen.
  • Informearen emaitza eta interpretaziorako aurkezpen didaktiko bat antolatu zuten Solid Rock IT enpresarekin.
Informean agertzen ziren datu batzuk:
  • Momentu honetan ez dago Wifi uhinen kaltea egiaztatzen duen datu edo ikerketa zientifikorik.
  • Sakeleko batek 20 Wifi antenak adina erradiazio sortzen du.
  • Neurketak egiteko garaian neurgailua neurketa bat hartzeko routerraren antenaren ondoan jarri behar zen, ikasleen postuetan ez zen erradiaziorik neurtzen.
  • Kabletuak ere erradiazioa sortzen du. Erradiazioa sortzen ez duen teknologia bakarra zuntz optikoa litzateke.
  • Ikerketa hauek egiteko garaian erradiazio elektromagnetiko guztia neurtu behar da eta ez soilik Wifik eragiten duena.
Dena den, datu hauek aurkeztu arren, kontra zegoena ez zuen iritzia aldatu baina guraso asko lasaitu ziren... ni barne.

2009/12/15

OpenDNS

Duela gutxi zerbitzu honen berri izan dut eta etxean esperimentalki erabiltzen hasi naiz.

Zer da Open DNS? Dakizuenez Interneteko helbide bat idazten dugunean, ordenagailu batek idazten dugun helbidea zenbaki kate bat bihurtzen du. Adibidez: www.google.com idazten dugunean 209.85.229.103 ip-a duen zerbitzarira joaten gara.

Internet hornitzaile bakoitzak bere DNS zenbakiak ditu guk OpenDNS-koak erabil ditzakegu:
  • 208.67.222.222
  • 208.67.220.220
Zeintzuk dira abantailak? Alde batetik zerbitzu hau azkarragoa omen da beste enpresetakoa baino. Bestetik, eta hau da interesgarriena, gure ikastolako trafikoa filtra dezakegu nahi ez ditugun orrialdeak ez bisitatzeko: pornografiatik hasita, messenger eta youtube arte. Azken hau egin ahal izateko kontu bat ireki behar duzu. Konfiguratzea ez da oso zaila ikastolak ip finkoa badu.

Google-lek ere antzeko zerbitzu bat ater berri du. Gaia komentatuko dugu.

2009/11/26

HACIA LA ESCUELA 2.0 ESKULIBURUA


Jose Antonio Millanek idatzitako liburua da hau. Mundu honetan sartzen ari diren irakasle askorentzat lagungarria izango zaie. Irakurtzeko erraza, argia eta paper formatuan, gure kide gehiengo batek eskertuko duena. Gaiak: Google Docs, wikiak, Blogger..., ezaguna, ezta?

Formatu elektronikoan aurreikus daiteke.

2009/11/17

Google Translate


. Idatzi bezain laster egiten du itzulpena.
. Itzulpen lana ingelerara egiten denean, itzulitakoa entzun daiteke.
. Search websites in other languages: informazioa jatorrizko hizkuntza
. batean bilatu eta web orriak zuzenean itzuliak eskaintzen ditu.
. Zure web orria beste hizkuntzetara itzultzeko aukera eskaintzen du.
. Tresna multzoa itzulpen lanak egiteko.

Noizkorako Euskaraz?
Nola egiten dute Katalanek?
Liluragarria...

2009/11/11

OOo4Kids- Open Office haurrendako



7-12 urteko haurrendako Open Office berezia garatzen duen proiektua duzue hauxe. Interesgarria izan daiteke gure ikasleek txikitatik software librearekin lan egiteko ohitura hartzeko. Pena oraingoz ez dagoela euskaraz.

Free Screen Capturer


Programa honek pantaila harrapaketa bizkorrak egiten ditu. Emaitzak irudi  edo bideo formato anitzetan (BMP, JPG, GIF, PNG, TIFF, AVI, WMV) atera daitezke. Dohakoa izanik, posta kontua eskatzen du lizentzia eskuratzeko. Instalazioa behar du. Ezagutu ditudan estilo hontako programen artean hau da gehien gustatu zaidana. Tutorialak prestatzeko tresna ezin hobea.


Frogatu eta esango didazue, merezi du. (Screenshotter eta Camtasia baztertuko dituzue)
Programa deskargatu

2009/11/05

ESKOLA 2.0 okerreko bidetik


Seguru zuetako batzuk egun hauetan jasotako albiste laburpenean Eskola 2.0 okerreko bidetik artikulua irakurtzeko aukera (denbora?) izan duzuela. Bertan Ana Perez, Emilse Benabides eta Josean Bueno, irakasleak eta STEE-EILAS sindikatuko kideek Zapaterok martxan jarritako Eskola 2.0 proiektuaren EAEn izaten ari den aplikapena kritikatzen dute.

Orokorki ados nago ematen diren argumentuekin, honelako proiektu bat ezin da aurrera eraman behar diren giza baliabideekin kontatu gabe, ganorazko prestakuntza gabe eta programazioan txertatutako proiektu bat izan gabe. Bestalde esaten da ikastolen beharrak asko direla, ez bakarrik informatikoak, eta horiek ez direla asetzen (aurrekontu arazoak direla medio) eta orain bat-batean kriston dirutza gastatzen da "aparatuetan".

Gauzak honela, alderdi negatiboen gainetik puntu positiboak ere ikusten dizkiot planari. Lehengo, aldiz eskoletan eman beharko litzatekeen alfabetatze digitala denen ahotan egon da, horren beharra mahai gainean jarri da eta esperientzia isolatuaz gaian apustu fuertea egin nahi izan da teknologi berriak bultzatzeko. Apustu honek propagandistikoa dela neurri batean? Ezin da ukatu.

Goitik bera datorrela plan hau esaten da. Nik ez dut gaizki ikusten, eskola politikak eta lehentasunak gobernuek definitzen dituzte eta Teknologia Berrien aurrerapauso kuantitatiboa ikusi nahi badugu gobernuak busti beharko dira: konpetentzia hauek curriculumean sartzen, prestakuntza eskaintzen, liberazioak bideratzen...

Bukatzeko Nafarroako egoera aipatu nahiko nuke. Urte pila daramatzagu inbertsio potoloak egiten IKT arloa, ez bakarrik ekipotan, eta aspaldiko partez ez da dirurik jaso inbertsio hauek egiteagatik. IKT dinamizatzaileen liberazioa ikastola bakoitzak ordaindu behar du (EAEn ez, ordea) eta Zapateroren planaren portatilak eskola gutxi batzuk jasoko dituzte momentuz. Beraz, EAEko eta Nafarroako ikastetxetan erabiltzen ez diren ekipoak (eta egon badira) eta etorkizunean aparkaturik geratuko direnak eskertuko ditugu hemen!

2009/11/03

POWERPOINT AURKEZPEN GEHIAGORIK EZ, MESEDEZ!

Aspalditik ez nuen Anibal de la Torreren ezinbestekoa den bloga bisitatzen. Astero zerbait interesgarria argitaratzen du eta hori, kontrakoa badirudi ere, estresagarria suertatzen da. :-)

Bere artikulu batean aurkezpenen abusuen kontrako alegatua egiten da gomendio batzuk gogoraraziz:
  1. 10 diapositiba gehienez
  2. 20 minutu baino gehiago ez aurkezpenerako
  3. 30 pt gutxienez erabiltzen dugun letra motarako
  4. Irudia testua baino hobeto transmititu nahi dugun ideia irudikatzeko
  5. Irudiak metafora moduan erabili baina pasatu gabe
  6. Entzuleek ideiak entzun eta galderak egitea nahiago dute informazio irakurtzea baino.
  7. Ez da dena agertu behar, lau ideiarekin nahikoa da
  8. Tartean bidean topatutako zailtasunak adierazi, gure ideiaren sinesgarritasuna indartuko da.
Har itzazue minutu batzuk artikulua irakurtzeko eta bitan pentsatu zuen hurrengo "powerpointa" prestatu aurretik.

2009/10/21

Team Viewer: urruneko kontrol programa



Beste aukera bat goizean aipatu dugun urruneko kontrola egiteko.

Jatorrizko programaren orrialdea.

Softonic orrialdetik deskargatzeko




Programa, bi ordenagailuetan instalatu egiten da eta bezeroak IDa eta pasahitza emanez lortzen da urruneko kontrola.
Bestelako aukerak aztertu beharko ditugu.
Doakoa da erabilpen pribatua denean.

Programak eskaintzen dituen aukerak eta bertsio desberdinak hementxe:

Team Viewer

Zsoporte: urruneko kontrola programa

Mintegian goizean aipatutako programatxoa, urrunetik beste ekipo bat kontrolatzeko alegia.
Programa jeitsi

Ez dago instalatu beharrik eta dohainekoa da.
Control edo Cliente exekutatu, besterik ez da egin behar.



ZSoporte Control:
 "Configurar" botoia sakatuz gure IPa agertuko zaigu. Hau da gure lagunari telefonoz edo beste edozein komunikazio modua erabiliz emango diogun funtsezko datua. Pasahitz batekin babestu ezkero, lagunari pasatu ere.


Zsoportecliente aplikazioa exekutatuko du gure lagunak. Bertan agertuko zaizkio baimendu nahi dituen aspektuak, karpetak ikusi ala ez, artxiboak bidali... ea.
Kontrolatzaileak pasatu digun IPa sartu, pasahitza balego sartu ere... eta listo, Controlak, gure ordenagailuko tripetan eskua sar dezake.


OHARRA: Gure ekipoaren ezarpenen arabera, firewall, antibirusa... baimendu beharko dugu kanpotik datorren sarbidea.
Erabilterraza eta intuitiboa.

2009/10/19

KALERATUA GELA BLOGA IZATEAGATIK


Aulablogen irakurri dudanez Bizkaiko Orue Eskolako irakasle bat kanporatua izan da gelako bloga bere arlorako balibabide bezala erabiltzeagatik.

Blogaren kontua aitzakia besterik ez bada ere bazterrak nahastu ditu eta argi erakusten du IKT baliabideak erabiltzea ez dagoela behar bezala baloratua edo estimatua. Beste hitzetan, irakasle batek ordenagailu gela bisitatu gabe pasa dezake ikasturte osoa eta ikasleaz aparte beste inor ez litzateke kexatuko bere lanaz. Eskola, liburu, fitxa eta arbela trinomioari lotuta dirudi oraindik. Urte askotarako?

Albiste osoa detailean: http://www.aulablog.com/despedido-un-docente-por-utilizar-el-blog-en-el-aula

EUSKALTELEK KOPIATU DIGU

Euskalteleko azken anuntzioak Erentzun Ikastolak sortutako 2 minutuko spotaren ideia berbera hartzen du: Playmobileko Click-ak erabiltzea mezu bat igortzeko.
Pentsatu bagenuen ere, gure baliabideek ez ziguten ematen stop-motion teknika erabiltzeko. Gutxienez GU IZAN GINEN LEHENENGOAK.

Erentzun Ikastolako 5. mailako ikasleen lana:



Euskalteleko spota:



Ez dago ezer berririk eguzkipean.

2009/10/12

BIDEOA ETA POWERPOINT, LAGUN ARRISKUTSUAK


Aurrekoan Haur Hezkuntzako irakasleak animatu nituen ikasturte hasierako guraso bileretarako aurkezpen batzuk prestatzen . Egia esan haien ideia izan zen eta nik irudiak erabiltzeaz gain bideoak erabiltzeko aukera aipatu nien eta oso ona iruditu zitzaien. Lanean hasi zirenean ordea bideoak txertatu bai baina gero ez ziren ikusten edo martxan jarri eta handik segundu batzuetara gelditu. Batez ere arazoa mov luzapena duten kamerekin sortu zen. Hori konpontzeko bi estrategia erabili genituen:

- PowerPoint erabili beharrean OpenOfficeko Impress erabili. Horrek aurkezpen batekin balio izan zuen, inportatu genuen eta bideoak berriro txertatu behar izan genituen.

- Bideo guztiak wmv formatura pasa, hori baitzen arazorik ematen ez zigun bakarra. Horretarako Free Video Converter erabili genuen, euskaratua dagoen doako programa. Hau bigarren aurkezpen batekin egin genuen eta Powerpoint programa erabiliz.

Bukatzeko gogoratu aurkezpenak egiteko programek ez dituztela bideoak txertatzen aurkezpenaren fitxategian, hots, aurkezpena leku batetik bestera eraman nahi baduzu bideo fitxategi guztiak ere izan behar dituzu erabiltzen duzun euskarrian.

Abisaturik zaudete! Bukatzeko esan emaitza oso eraginkorra izan zela komunikazio ikuspegitik.

Microsoft-en laguntza honen inguruan.

IKASTURTE BERRIA SARRERA BERRIAK

Bada garaia gure blogarekin martxan hasteko. Blogger plataformarekin hasiko naiz, editore berria jarri baitu (konfigurazio paneletik gai daiteke). Dituen berrikuntzak aipatzerakoan hauek lirateke azpimagarrienak:
  • Irudiak igotzeko, kokatzeko eta ezabatzeko modu erosoagoa.
  • Testua banatzeko aukera (Read more edo gehiago irakurri funtzioa).
  • Geotag gehitzeko aukera.
  • Aurrebista zehatzagoa.
BAINA, ez dakit zergatik, bideoak igotzeko funtzioa desgaitu egin dute editore berrian. Beraz oraindik zaharra erabili beharko dugu batzuk. Ez omen dago zorion perfekturik. :-)

2009/09/15

Software-bilduma




Oporrak?? Non daude??

Ikasturte berria eta oraingoan ere hasiera konplexua ( A gripe orokor bat izan dugu gure Ikastolako ordenagailuetan eta nekez ari gera normaltasuna lortzen ).

Antigua-Luberriko lagunek software bilduma interesgarri bat egin dute eta hementxe duzue esteka: Software-bilduma

Hauxe da hasiera orrian beraiek komentatzen dutena:
"Antigua-Luberri BHIn gehien erabiltzen dugun software librea edota doakoa eta zenbait web-zerbitzuren bilduma duzu hau. Bertan azaltzen diren estekei klikatuta programen informazioa topa dezakezu eta berauek deskargatzeko aukera izango duzu. Institutuan Windows eta Ubuntu (Linux banaketa) sistemak erabiltzen ditugu eta, ahal izan dugun guztietan, bi plataforma hauetan eta euskaraz ibiltzen diren aplikazioak ekarri ditugu hona baina bi baldintzok ez dugu bete ahal izan guztietan."

Bilaketa erraztearren kategorietan banatu ditugu aplikazioak baina sailkapena oso arbitrarioa da beraz eman begirada bat beste kategorietan ere.


Eta beste kontutxo bat, web orria berritu dugu, nahiko estatikoa da oraindik baina etorkizunerako ideia eta proposamen berriak ditugu.

WEB ORRIA

2009/05/28

Approbo

Kopiatu itsasi?
Webware aplikazio honek lanak originalak diren edo ez esango digu.
Horrelakoetan bezala, erregistroa egin, dokumentua igo eta denbora gutxian dokumentua originala den edo ez esango digu (nondik hartua dagoen ere esaten digu).
Aplikazioa plataforma desberdinetan erabilgarria da.
Google erabiltzen du dokumentuaren azterketa egiteko.(Batzuetan besteok ere egin izan duguna lana zati batzuk bilatzailean txertatuz).
Bitxia ...

Approbo

2009/05/26

Hezkuntza Kontseilariak eta portatilen inguruko afera


Zapaterok IKTen inguruko eztabaida puri-purian ipini du. Bere planaren aurkezpena egin eta berehala Perez-Nievas hezkuntza kontseilariak iragarpen hau ez zuela begi onez ikusten aipatu zuen Diario de Navarran. Gainera ikastolak aipatzen ditu zeharka: "Y puso el ejemplo de la Federación de Ikastolas "que lleva más de ocho años trabajando contenidos digitales y todavía no ha decidido en qué soporte ofrecerlos". Albistearen iruzkinetan ikastolak goraipatzen dira berriro.

Aurrerago astakeriatzat jotzen du ideia.

Diario de Noticiasen irakasle batek hezkuntza kalitatea hobetzeko portatilak baino baldintza profesional hobeagoak izatea ezinbestekoa dela pentsatzen du, eta ez zaio arrazoia falta.

Afera bukatzeko kontseilariak Madrilgo ministroarekin bildu ondoren bere iritzia erabat aldatzen du eta proposamena sakonagoa dela eta eskolen teknologia-modernizatzean eragingo duela esan zuen.

Honen inguruan zera esango nuke:
  • Aspaldiko partez Nafarroan ez da, eskola kontzertatuetarako gutxienez, diru-laguntzarik eman ekipoak erosteko edo ikastetxeetan sarea ipintzeko. Egin den guzti-guztia gure poltsikotik atera da eta hala eta guztiz ere Nafarroan puntan gaudela esango nuke.
  • Portatilekin ez dugu hezkuntza aldatuko eta kalitatea hobetzearen erronkan pausu txikia edo anekdotikoa izan daiteke baina ONGI ETORRIAK. Guk badakigu zer egin ekipoekin, eskolaren batek ez baditu nahi bidal diezaizkigula!
  • Aurrekoan Amaiak esan zuen bezala ekipoen banaketarekin ez dago dena egina, irakasleen prestakuntza ezinbestekoa da eta proiektu berriztatzaileak planifikatzeko denbora. Hori ez da aurreikusten diruaz hitz egiteko garaian eta honela proiektu asko anekdotan gelditzeko arriskua izaten dute.
  • Azkenik, EAEn egiten den bezala, Nafar Gobernuak bere kontzertazioan IKT arduradunaren liberazioa gehitu beharko luke. Honela behar duen liberaziorako ikastetxeek konpentsazio ekonomikoa jaso dezaten. Dakigunez klabea da paper hau.
Beno, presta ezazue aterkia, portatik zaparradarako. Goikoa niretzat! :-)

2009/05/13

ZAPATEROREN PLANA


Blog honetan aurreratu genuen eta atzo ofizialki egin zen aurkezpena. Zapaterok arbel digitalak eta Lehen Hezkuntzako 5. mailako ikasleentzat portatilak banatu nahi ditu.

Ikusiko dugu nola gauzatzen den kontua baina guraso elkarteak, telefono konpainiak (bat baino gehiago al dago?) eta Richard Stallman hasi dira arazoak, ñabardura eta proposamenak mahigaineratzen.

Gai honen inguruan eta baita Ikasys proiektuaren inguruan hainbat burutapen mamitsu egin ditu Jokinek Zirikateroen sarean. Arretaz irakurri eta komentatu.

Oharra: Goiko irudia "zapatero portatil" bat omen da. Googelen irudia bilatzerakoan emaitza hori atera zait. :-)

2009/05/09

Format Factory










Format Factory
multimedia artxibo bihurtzaile interesgarri bat.

Bideo formatuak: MP4/3GP/MPG/AVI/WMV/FLV/SWF.
Musika formatuak: MP3/WMA/AMR/OGG/AAC/WAV.
Argazki formatuak: JPG/BMP/PNG/TIF/ICO/GIF/TGA.
DVDak ripeatzeko, CDak ripeatzeko, formatu berrietara pasatzeko (iPod/iPhone/PSP/BlackBerry)
Doakoa, erraza, eraginkorra eta euskaraz.




Format Factory

2009/05/07

CD LIBRE

Aprobetxatuz Nafarroan ere gure software bilketa xumea ari garela sortzen, intesgarria iruditu zait Cdlibre.org gunea aipatzea. Bertan programa libreak jaisteko aukera izateaz gain DVD edo Cd bildumak jaistsi daitezke. Hauek astero berritzen dira.

2009/04/29

USBa SARTU AURRETIK: PROFILAKTIKOA ERABILI


Txerri gripea ailegatu aurretik gure artean USBa kutsatzen zuen beste motatako birus bat izan genuen. Ez da beraz ideia txarra gailu hauek babestea ezagutzen ez ditugun ekipoetan "harreman digitalak" izan aurretik.

Con el ordenador a cuestas
blogaren bitartez eta Lizarrako ILZko IKT arduraduna den Mikelen bidez jakin dut MX One antibirus aplikazioa dagoela:
  • Freeware da. Dohainik gu bezala pobreak direnentzat.
  • Gutxi baino gutxiago okupatzen du.
  • Zure ordenagailuan edo USB gailuan instala daiteke eta automatikoki USBa babestuko du.
  • Instalatuta dituzun beste antibirusekin bateragarria da.
Bere garaiak kanpainak zioen bezala: 'Póntelo, pónselo'.

2009/04/01

BLOGAK NAFARROAKO ESKOLETARA IRITSI DIRA

Goiko titulua ironiaz irakurtzeko dela esa Gaur bertan bide desberdinetatik jaso dut Nafar Gobernuko PNTE-k (Programa de Nuevas Tecnologías y Educación) multiblog plataforma bat martxan jarri duela. Plataforma Wordpressen oinarrituta dago eta honekin batera hainbat tutorial ere sortu dituzte erabiltzaileen lana errazteko.

Plataforma honen martxa jartzea albiste ona bada ere berandu xamar iristen dela esan behar da, batez ere mundu honentan aspalditik murgilduta dauden ikastola eta ikastetxeentzat. Gainera momentuz "multi" den plataforma hau ez dakit "multilingue" den (euskara, Nafarroan beti gertatzen den bezala, azkena eta ate txikitik sartu behar).

Ikusiko dugu honen ibilbidea.

2009/03/25

ScreenShoter 1.1
















Tarteka, ordenagailu pantaila irudiak harrapatu behar ditugu. Aukera hori badugu ordenagailu gehienetan baina ondoren Paint edo antzeko programekin kudeatu behar dira irudiak.
Programa txiki honekin, zuzenean egiten dira irudi harrapaketak, bai pantaila osokoak nola guk aukeratutako zatiak. Irudiak jpg, gif eta bmp formatuetan jaso daitezke.

ScreenShoter 1.1

Wikispaces euskaraz dugu orain

Kasualitatez konturatu naiz orain Wikispaces euskaratua dagoela Jaime Villaluenga Ruiz De Infante-ren lanari ezker. Berri pozgarria zerbitzu hau erabiltzen dugunontzat.

Zure wikia euskaraz kudeatzeko, behin zerbitzuan logeatuta aukeratu “My account”, ondoren “Language” eta hor euskara aukeratu. Bestela nabigatzailearen hitzkuntza automatikoki antzematen du.

Orain wikiak egiten hasteko aitzakiarik ez duzue izango!

2009/03/22

IRAKURKETA eta EZAGUTZAREN GIZARTEA uztartuz


Nafar Gobernuak argitaratutako Jose Antonio Millanen "La LECTURA y la sociedad del CONOCIMIENTO" liburuxa honetan (20 minututan irakurtzen da) mezu sinple bezain argigarria ematen da: "Irakurketa ezagutzaren giltza da".

Liburu, egunkari, aldizkari eta liburutegien garrantzia azpimarratzen du, azpimarratu behar ere!, behar bezalako irakurketa konpetentzia garatua lortzeko. Zertarako? Ba hain zuzen ere sarean dabilen informazio mordoxka era efiziente batez identifikatu, laburbildu, interpretatu eta antolatzeko, hots, ezaguza sortzeko.

Askotan egi sinpleenak begi bistan ditugu.

Nafarroako ikastetxeetan banatu bada ere, hemen duzue pdf bertsioa eskuragai.

Bide batez Nafar Gobernua txalotu behar dugu, berak argitaratutako hainbat eta hainbat liburu pdf formatuan eskuragarri ditugulako bere webgunean. Eusko Jaurlaritzak badu non ikasterik.

2009/03/12

IRAKURZALE ZAITEZ... BIDEOAK IKUSIZ!


Juul kanpainarekin lotuta Nafarroako Ikastolen Elkarteak proiektu berri bat jarri dugu martxan IRAKURZALE BLOGAK:

Helburu nagusi bat dute blog hauek: IRAKURZALETASUNA BULTZATZEA, ez dugu hau ahaztu behar, teknologia hau lortzeko, aitzakia besterik ez da.

Nola? Beste ikasleen gomendioak entzunez eta horren arabera ikasleek liburu bat edo beste aukeratuz.

Zergatik bideo bloga?
  • Idatzizkoa baino zuzenagoa delako.
  • Ahozkotasuna lantzeko egokia ikusten dugulako eta Lehen Hezkuntzan garrantzitsua da
  • hau.
  • Euskalki ezberdinak entzuteko aukera ematen diegulako ikasleei eta hori aberasgarria
  • delako.
  • Ikasle, eta irakasleentzat, erakargarriago suerta daitekeelako.
  • Prozedura tekniko erraza duelako.
Jadanik hasi gara bideoak igotzen, helbide hauetan topatuko dituzue:
Juul Kanpainan parte hartzen duen edozein ikastolak erabil ditzake blogak. Horretarako gidatxo bat prestatu dugu.

Zuen partaidetza espero dugu.

2009/03/09

LITXARKERIRIK GABEKO IRUZKINAK

Oraingo honetan Erentzungo irakasle batzuen artean sortu dugun bloga aurkeztera natorkizue. Zinea gustuko dugun batzuen artean, pasabidean komentatutakoak blog batean jasotzea pentsatu dugu, besterik gabe.

Bloga dirauen bezala iraunduko du. Egindakoarekin pozik gaude. Betikoa, partaide gehiago onartzeko prest gaude... orain, ordaintzen dugunarekin ez dut uste parte hartzeko borrokatuko duzuenik. :-)

Helbidea: http://zinea.blogspot.com

Bisitatzera bazatozte palomitak gure kontu!

2009/03/05

NAFARROAKO "DISTROA"

Ikasturte hasieran eta OpenOffice zabaltzeko asmoarekin, IKT dinamizatzaileen mintegian sortu zen software bildumatxoa egiteko ideia. Bilduma hau sarean zintzilikatu nahi dugu denen eskura egon dadin eta familiei euskarriren batean banatzea ez dugu baztertzen.

Lehentasuna software libreari eman badiogu ere, beste aplikazio batzuk sartzea ere erabaki dugu, hori bai, dohaineko softwarea izan behar du.

Hauek dira aurrekoan sortu genuen behin-behineko zerrenda:
  • OpenOffice +
  • Audacity
  • Gimp
  • TuxPaint / TuxType
  • Firefox + euskalbar + euskara eta gaztelaniako hiztegiak
  • 7 zip / Izarc / Winrar
  • Picasa / Fotos Narradas
  • PDF creator / Primo converter / Foxit reader?
  • Portable Apps
  • VCL
  • Ccleaner / Glary utilies

Zer falta da, zer dago sobera? Iruzkinak eginez egingo genuela geratu ginen, beraz, zuen txanda orain!

MEKANOGRAFÍA IKASTEKO BI AUKERA

Aspalditik gabiltza Nafarroako Ikastoletako hainbat ikastolatan Lehen Hezkuntzaren bukaeran mekanografía erakusten. Orain Txanelako IKT konpetentziak direla eta kezka zabaltzen ari da.

Hemen duzue ezagutu dudan azken aukera: www.cursomeca.com Aztertzeko aukera, dudarik gabe, instalazioak saihesteko, etxetik ere lan egin ahal izateko...

Bestalde TuxType hor dago ere baina ez nau erakartzen, batez ere lortuko ditugun emaitzak ez daudelako baieztatuta. Dena den, jolasteko balio dezake.

Batek galde dezake. Baina beharrezkoa al da mekanografia IKT konpetentziak lortzeko. Garbi dago ezetz, baina ukaezina da teklatua menderatzen duen ikaslea azkarrago eta efizienteago moldatuko dela mundu digitalean. Momentuz gutxienez.
Honen inguruan eztabaida interesgarria duzue Euskara Ikasteak sarean.

Tresna gehiago nahi? IKTroen bloga bisita ezazu.

2009/02/25

ScibFire: Blogeatu Firefoxetik

Erraza izan arren, nahiko astuna suertatzen zaie irakasle batzuei blog batean sarrera idazteko prozesua: izena eman, pasahitza, gogoratu gune administratiboaren gunetik abiatu behar duzula...

Gero demagun plataforma desberdinak erabiltzen dituzula blogak argitaratzeko garaian (blogger, ikasblog, blogari, mundua.com...); zailagoa bihurtzen da orduan blogen kudeaketa.

Hori errazteko ScribFire gehigarria dugu, nabigatzailean zaudela F8 teklari eman eta agertuko zaizu. Zure blog guztiak gehitu ondoren horietako bat aukeratu eta artikulua zuzenean idazteko eta argitaratu ahal izango duzu duzu. Hainbat abantaila ditu editore honek:
  • Nabigatzaileko irudiak arrastra ditzakezula zure blog-sarrerara.
  • Eskekekin berdin.
  • Flikerrekin uztartuta dagoela
  • Youtubererekin ere bai.
  • Zemanta zerbitzua erabiliz automatikoki bilatzen dizkizu gaiarekin lotutako irudiak. (Ez dakit euskaraz ibiliko den hau).
Ni hasi naiz froga egiten. Esango didazue... baina zerbait esan! :_(

2009/02/12

IKTek ez dute askotarako balio, ez galdu zure denbora preziatua



Egun hauetan CAPeko IKT arduradun batek bidali zigun artikulu bat darabilkit buruan. Potachoven blogean goiko irudia ikusi dudanean eta demoniozko artikulua buruan nuelarik, leloaren bertsio propioak egitea otu zait.

Hezkuntzako blogak ez dira existitzen. Buelta zaitez koadernora.


edo

IKTak denbora galtze bat besterik ez dira. Hezkuntzaz kezka zaitez.


Ditxosozko artikulu horrek biziki haserrarazi dit. Larderiz betea iruditzen zait, egundoko egiak bota nahi ditu eta egundoko ergelkeriak dira nire uste apalez. Badu atzetik kritikarako arrazoi bat, baina mingarria iruditzen zait esaten dituenak eta nola esaten dituen.

Hemen perla batzuk ekartzen dizkizuet negritaz eta jarraian nire iruzkina.

"...creo que no es decisiva per se la incorporación de aulas de informática, conexiones a Internet, pizarras digitales [...] para mejorar las prácticas docentes."

Honela jarrita, per se, per se, hezkuntzan ez dago ezer erabakigarri (irakaslea salbu, noski), ez liburuak, ezta ikaskideak ere... laborategi edo bideo gela egokia izatea ala ez, ez da erabakigarri... jolastoki edo gimnasio ona izatea... zertarako? Ez da erabakigarri... liburu pila eta ongi aukeratuak liburutegian, zertarako? Ez da erabakigarri... eta interneteko kuota, ez ordaindu, ez baita erabakigarria...

"...tampoco es decisiva la incorporación de "nuevas herramientas Web 2.0" [...] Significa, llanamente, derrochar recursos económicos y, peor aún, derrochar tiempo de acción y reflexión educativa fundamental."

Honekin erabat ados nago, horrenbeste lan egin ondoren, Arantzazura joan beharra sentitu dut behin baino gehiagotan, urtebete pasatzeko hezkuntzaz pentsatzen eta nirekin batera IKT-ak erabiltzen ez dituzten hamaika irakasle ere, hezkuntzaz gogoeta egin beharrean, hor ari dira klaseak prestatzen, ariketak zuzentzen eta azterketak prestatzen espiral amaiezin batean sartuta.

Los únicos profesores que han convertido las TIC en valor para sus alumnos son aquellos que tenían elevados horizontes educativos, aquellos que ya tenían aspiraciones pedagógicas ricas y diferentes y para los cuales la incorporación de hardware o software ha dado alas a sus proyectos. La verdad, no creo que las TIC hagan, de profesores mediocres, mejores profesores.

Toma morenooooooooooooo. "No creo que las TIC hagan, de profesores mediocres, mejores profesores..." Ni las TIC, ni las TOC. Ni los libros, ni la carrera de Magisterio, ni la Virgen de Nievas, ni los cursos del Cap... Irakasle kaskarrek ez lukete ordenagailu bat ere ikuitu behar, hobe dezaketen esperantza etor baitakieke, eta ez dago ezer saminagorik, esperantza beteezinak baino.

Pasar del libro de texto a la pizarra digital, convertir esquemas o apuntes en presentaciones electrónicas, obligar a los alumnos a responder ejercicios en los comentarios de un blog, darlos de alta en un aula Moodle para realizar actividades hotpotatoes, poner “los apuntes” en un wiki… no solamente me parece un desacierto, sino que es una pérdida de tiempo y de dinero.

Honen inguruan luzez hitz egin daiteke eta egia esan proposatzen diren IKT jarduera konduktista huts batzuk ez dira eredugarri, nahiz eta, bere balioa izan. Halaber, blogen inguruan proposatzen diren hainbat jarduera ez dira egokienak komunikabide horretarako, orain, guzti hori hutsegite edo desegokikeria dela esatea oso gogorra iruditzen zait. Bide horretatik jarraituz, gure ikastoletan egiten diren fitxa eta jarduera asko hanka-sartzetzat jo daitezke errazkeriaz eta hala eta guztiz ere egin egiten ditugu.

Orain, hanka sartze izugarria izateaz gain denbora eta diru galera galanta omen dira. Diru ez dakit baina mila irakasle blog, wiki edo posta elektroniko arruntaz, bere ikasle eta hezkuntzakideekin egiten ari diren lana denbora galtzea hutsa dela esatea, gure aurpegira, denon aurpegira, farre egitea dela iruditzen zait. IKTen erabilpena (zuzena ala ez) eta hezkuntzaren inguruko hausnarketa ez daudelako kontrajarriak. Ez hori bakarrik, IKT dinamizatzaileok orokorrean, hezkuntzarekiko dugun kezkagatik aritzen gara zeregin honetan, ez "tramankuluak" gustatzen zaizkigulako edo ikastolako antibirus guztiak instalatzen disfrutatzen dugulako. Askoz ere lasaiago bizkiko ginateke teknologiarik gabeko gizarte batean, dudarik gabe. Baina, dakizuen bezala, ez gara XIX. mendean bizi

Amaitzeko, ez dut ulertzen hezkuntzaz horren kezkatuta dagoen eta etengabe gai pedagogikoaz hausnartzen ari den tipo hori nola izan duen denbora, blog batean bere burutapenak idazten... galtzeko.

2009/02/09

Hizkuntza Politikarako Sailburuordetzak ordenagailuan euskara erabiltzeko hiru tresna berri aurkeztu ditu

Software-produktu horiez gain, Lur Hiztegi Entziklopediko eta Lur Entziklopedia Tematiko eguneratuak eta euskaraz idatzitako doktoretza-tesiak sareratu ditu.

Xuxen zuzentzaile ortografikoaHizkuntza Politikarako Sailburuordetzak ordenagailuan euskara erabiltzeko hiru tresna berri plazaratu ditu: Xuxen zuzentzaile ortografikoaren IV. bertsioa, EuslinuxDebian 2009 software libreko sistema eragilearen bertsio eguneratua eta Wordfast, ordenagailuz lagundutako itzulpen-tresna. Horiez gain, Interneten euskararen presentzia areagotuko duten bi corpus sareratu ditu: Lur Hiztegi Entziklopediko eta Lur Entziklopedia Tematiko eguneratuak, eta euskaraz idatzitako doktoretza-tesiak.

Hizkuntza Politikarako Sailburuordetzak 4.450.000 euro inbertitu ditu legealdi honetan, euskarazko Informazioaren eta Komunikazioaren Teknologiak sustatzeko diru-laguntzen deialdien bidez. Legealdiko lau urteetan % 170 hazi dira diru-laguntza horiek. Horrez gain, zuzenean agenteei kontratatutako proiektuetan, 1.800.000 euro inbertitu ditu eta Anhitz ikerketa-proiekturako berriz, 570.000 euro eman ditu. Beraz, legealdi honetan 7.000.000 euro inguru inbertitu ditu HPSk IKTen arloan euskararen presentzia bultzatzeko eta euskarazko baliabide, tresna eta aplikazio berriak garatu eta herritarrei eskaintzeko.

Aurkeztu berri diren tresnak doan deskarga edota kontsulta daitezke www.euskara.euskadi.net webgunean.

Euskararen Berripaperatik hartuta

2009/02/04

ARGAZKIAK ETA MUSIKA MODU SINPLE BATEZ

Gure ikastolan geroz eta gehiago erabiltzen dugu bideoa blog batean argazki bilduma bat argitaratzeko, batez ere Blogger zerbitzuak zuzenean baimentzen dizulako bideoak igotzen. Irakasleek Movie Maker edo Picasa erabiltzen dute zeregin horretarako.

Aurrekoan Baztan ikastolako Keparekin hitz egiten aipatu zidan haiek Fotos Narradas-ekin ibiltzen zirela oso gustura. Microsoft-eko dohainiko programa da eta berezitasun hauek nabarmenduko nituzke:
  • Sinplea eta azkarra da oso. Gure kasuan hori interesatzen zaigu.
  • Musika eta irudien denbora automatikoki doitzen ditu.
  • Musika "automatizatua" gehi diezaiokezu: musika tristea, alaia, klasikoa... eta hau ere automatikoki egokituko da. (Oso praktikoa)
Dohainik dela aipatu dut baina funtzionatzeko Windows Media Player 11 eskatzen du eta hau ezin da instalatu litzentziarik ez baduzu. Ikastoletan "lizentziado" asko dagoenez ez da arazorik egongo batean edo bestean instalatzeko. Hurrengo bileran di-da batean ikusiko dugu.

2009/01/26

DELICIOUS: loturen delicatessenak


Aurreko Nafarroako IKT dinamizatzaileen bileran Delicious web tresna aztertu genuen. Jakingo duzuen bezala Delicious-ek zure lotura interesgarriak sarean gordetzen ditu eta honela beti eskura izateaz gain, zure lagun eta kideekin parteka dezakezu.

Honen adibide bat eman zigun Iñigo Aritza ikastolako Mikel Agirrek. Berak, topatzen dituen lotura interesgarriak gorde, etiketatu eta aldiro ikastolako irakasleei bidaltzen dizkie sailkatuta. Hemen dituzue "bere deliciousak".

Beste hauek aipatuko ditut: Jolausenak (Jokin Lacalle), IKTeroenak (Ordiziako IKT taldea) eta Totelkarena (Oiongo IKT dinamizatzailea den Davidenak).

Anima zaitezte zuen aurkikuntzak indexatzen eta denbora hartu, merezi baitu, eta kafe edo kubata eskuan hartuta denboratxo bat hartu besteen proposamenak aztertzeko.

2009/01/14

Picasa 3.0, ahaztu Photoshop


Picasa argazkiak antolatzeko eta oinarrizko ukituak emateko programa da. Horretaz gain Picasaweb zerbitzuarekin lotuta dituzun argazkiak webean argitaratzeko aukera ere ematen dizu (Tantirumairuko argazki galeria da adibide on bat) Guzti hau Google Deunaren bedeinkapenarekin.

Orain 3.0 bertsiora kaleratu dute hainbat aldaketekin:
  • Erabilera intuitiboagoa.
  • Argazkiak editatzeko tresna berriak: tanpoia, begi gorrien konponketa automatikoa...
  • Argazki talde batekin colage ezberdinak egin ahal izatea.
  • Argazkiei testua gehitu ahal izatea.
  • Inprimatzeko garaian aukera gehiago: markoa, testua...
  • Bideo editore txiki bat: argazkiak eta musika uztartzeko aukera, musika eta argazkien denboraren arteko moldaketa automatikoa, bideoak editatzeko aukera.
Azken berrikuntza hau interesgarria da oso batez ere blogintzarako. Sortutako bideoak zuzenean Youtubera igotzeko aukera eskaintzen baitu (nahiz eta momentuz saiatu naizen guztietan huts egin duen :-).

Akatsak ateratzeko garaian bi ditut: errekurtso gehiago behar dituela eta hori dela eta pittin bat geldoa nabaritu dudala, bideoak soilik wmv formatuan esporta daitezkela.

Beno, asko gustatzen zait programa hau eta nire kontuetarako erabiltzen dudan ia-ia bakarra dela esan daiteke. Erosi dudan prezioan saltzen dizuet.

2009/01/08

INFORMAZIO DIETA


Gabonetan ¡BASTA! Como dejar de desear siempre algo más. liburua irakurtzen hasi naiz (John Naish - Temas de Hoy editoriala) Lehenengo atalaren izenburua, BASTA DE INFORMACIÓN, nahiko esanguratsua da. Hainbat burutapen egiten ditu gure gizarteak duen informazio irrikaren inguruan eta momenturo konektatuta egotearen beharraz.

Idazleak informazio dieta proposatzen du: denboraldi bat telebista, sakeleko telefonoa eta internetik gabe egotea, gero apurka-apurka bakoitzetik behar dugun neurria hartu harte.

Honetaz gain kapituluaren bukaeran zera proposatzen du: "Así mismo, la absoluta imposibilidad física de seguir el ritmo a los medios electrónicos debería liberarnos incluso de intentarlo. Por ejemplo, la última generación de iPods tiene una capacidad de almacenamiento de 16.000 canciones...] [...o sea 38 días de nuestra vida sin dormir. Eso sólo para escucharlas. Pero también debemos cargarlas en el aparatito."